كتير مننا بيواجه مشكلات في تعلم اللغة الانجليزية
عشان كده عملتكم الموضوع ده
و حطيت فيه اهم النصايح اللي تساعدك
انك تكون خبيرة اللغة الانجليزية
و كمان كتبتلكم الاخطاء الشاسعة اللي
بيقع فيها معظمكم
اتمنى لكم الاستمتاع بموضوعي و الاستفادة
-------------------------------------
اكبر غلط ان الواحد يترجم الجمل و يقولها لان دي ترجمة حرفية و لكل لغة لبها التعابير بتعتها فلو عملتي كده حتلاقي جمل جوجل غلط فهو حلو بس في ترجمة الكلمات
لو حبيتي تعرفي معنى كلمة متجريش تترجميها لا الاول حولي تعرفيها من صياغ الجملة لو معرفتيش افتحي
Cambridge dictionary
او
reverso
حيديكي تعريف الجملة بالانجليزي و كمان في ريفرزو بيديكي صور
و بعدين بيديكي امثلة للكلمة في جمل مختلفة طبعا بالانجليزي
و هي دي الطريقة الصحيحية في معرفة معنى الكلمات
و طبعا عشان دايما تقدري تفتكري التعريف بيديكي
synonyms
و هي المترادفات بتكون كلمات نفس المعنى و تقدري تستخدميها نفس الاستخدام
و هي دي الطريقة الصحيحية في معرفة معنى الكلمات
القاعدة رقم واحد في الانجليزي او اي لغة تانية
انك لما تيجي تكلمي باللغة دي الاول متفكريش في الجملة بالعربي و بعدين تترجميها في مخك و بعدين تقوليها
لا غلط غلط غلط
لازم تفكري اساسا بالانجليزي و بعدين تقوليها عادي
الاول بتكون صعبة بس بعد كده الواحد بيتعود
انا في اكتر من كلمة انجليزي فهمتها من غير ما اترجمها و لا حتى ادور على معناها لاني فهمتها من كتر التكرار و اني سمعتها كتير
و في اساسا كلمات كتير معرفش معناها بالعربي خاااالص بس عرفى هي ايه بالانجليزي و ازاي استخدمها رغم اني حولت كتير معرفتش كان مفيش كلمة بالعربي ليها معنى الكلمة دي
هههههههههههههههههههههههههههههههههههههههههههههههههه ههه
يعني مثلا كلمة whether
معناها سواء
ده استخدمها في الجمل
سواء كانت حلوة او وحشة
whether it is bad or good
دي انا سمعتها كتير من كزا حد فلقيت نفسي بستخدمها
اتمنى انكم تكونو استفدتم من موضوع
و ان شاء الله تنجحو في تعلم اللغة الجميلة